بدون مقدمات وكلام كتير ليه فايدة ومالوش
ندخل فى الموضوع عالطول
انا حصل معايا موقف كدا وقعدت افكر

كنت مرتبطه بواحد وبحبه اوى ومحلصش نصيب بينا
وفضلنا على اتصال عادى
لاننا اصحاب اصلا من البدايه
وحتى لو كدا ماينفعش ننفصل عن بعض نهائى حتى لو مفيش بينا سلام
لان ظروفنا اننا كلنا اصحاب فى بعض اوى انا  وهو وصحابنا
فمش ينفع باى حال نخصر بعض

تخيلو بقى تدور الايام
والبيه اللى ربنا يسامحه
جاى يعزمنى على كتب كتابه وزواجه فى ليله واحدة
وهو بيقدم رجل وبيرجع برجل
تفتكروا ايه اللى حصلى
مع العلم انى كنت لحد اليوم دا لسه بحبه وعلى امل اننا ممكن نكون لبعض فى يوم من الايام

انا عايزةه بقى اعرف وبصراحه كدا

هتعمل ايه لو حبيبك عزمك على فرحه؟
وقصدى طبعا بالاخص اللى محصلش نصيب بينهم
ولو بقى اتنين مرتبطين
وجه حد فيهم يعزم التانى على فرحه بدون اى مقدمات ولا ابداء اى مبررات




جاوبوا بصراحه بقى

لحظة صعبة موت يا ساسو ربنا يصبرك بجد انا ممكن مش هقولك اموت لان الاعمار بايد ربنا بس غالبا هنهار وهقضي وقت بالمحاليل والحاجات دي في المستشفى ومش هكنو حاسه بنفسي ولا بحاجة في الدنيا دي مهما كانت ربنا معاكي بجد يا قلبي بس نصيحة ضعفك مش هيفيد حاولي تروحي وتحضري فرحه عادي ولا كانك لسه جواكي حاجة لانك مش لازم تباني ضعيفة حتى لو كنتي جواكي منهارة

عندك حق
عارفه كمان بيقولو اللى بيحب حد بيتمناله كل خير
كنت بضحك اوى واقول ازاى
بس بجد فعلا النهاردة صدقت الكلام دا وبنفسى
المهم اللى حبيته يكون سعيد حتى لو مش معايا
لانى مش انانيه وعندى استعداد اضحى بجد عشان اللى بحبه
حتى ولو على حساب نفسى

انما اى حاجه تانيه لا يمكن اضحى

يسلملى مرورك يا قمر
وياريت ماسمعش منك تانى محاليل وسكر وحاجات من دى
لان غياب الجسد لا يعنى غياب الروح
ولازم نفتكر كل حاجه حلوه حصلت حتى لو عشنها عليها وهى زكرى
هتكون برضه وكانها شجرة مثمرة دايما
حتى لو جيه عليها موسم الخريف

دومتى بصحه وسعادى ان شاء الله

موقف صعب اوى ياساسو فعلا ربنا معاكى اكيد انتى حتى لو بتتمنيله الخير مجروحة من جواكى لان ده موقف صعب جدا على اى حد بس انتى فعلا زى ماامولة قالتلك لازم تحضرى وتبانى قوية على الاقل قدامه وقدام اصحابكم وبعد كدة سيبى نفسك شوية وخرجى اللى جواكى وماتكتميش فى نفسك عشان مش تتعبى وبعد كدة فكرى بعقلك طالما هو قدر يعمل كدة معاكى انتى لازم تنسيه خالص وماتفكريش فيه ابدا واكيد ربنا هايكرمك بالاحسن منه ان شاء الله

هوا صحيح موقف صعب
ولازم تخرجى الشخص دا من جواكى نهائى
وانا مش مع انك تحضرى فرحه
لانك ممكن تضعفى وتنهارى قدامه
لان دا حصل مع واحد قريبى بعد ما حبيبته عزمته على فرحها
كان رايح يباركلها من قلبه وقال خلاص طالما هيا سعيده انا هكون مبسوط
بس اول ما شافها ماقدرش يتمالك اعصابه وتعب جدا وقتها

وباذن الله تلاقى اللى يحبك ويقدرك
وربنا معاكى يا جميل

بجد مرسى جدا عبى كلامك
ونصايحكم ليا
بس انا عازة اعرف
كل واحد لو فى الموقف دا
ايه هيكون رد فعله


ايه رد فعلك لو حبيبك او اللى كان حبيبك جه وبيعزمك على فرحه؟
هتعمل ايه؟

دا اللى مستنيه اعرفوا
وهستنى مروركم
واعرف رد فعلكم

اولا كده
انتى معاكى ابتدائية
؟؟؟؟

نخصر ايه بس
هههههههههههه
اسمها نخسر

ثانيا
بالنسبة بقى لكونك تحضرى او لا
معلش حطول عليكى
بصى يا ساسو
البنى ادمين انواع
فى عالم بتستحمل و عالم لا
فى ناس قلبها صخر و ناس قلبها ضعيف
و انتى بقى اللى تحكمى على نفسك
و فى الحالتين
حتخسرى
ههههههههه
حتخسرى لو رحتى و انتى شايفاه
و حتخسرى لو مرحتيش لمجرد انك عارفه ان فرحه النهاردة و دلوقت
فالموضوع كله ملخبط بصراحة
بس بيعتمد عليكى انتى و قدرتك على التحمل و التماسك ادامه

اما بالنسبة ليا فى نفس الموقف
فانا اعتقد انى حروح عادى
و لا كأن فى حاجة
لان ده نصيب
و بعدين يعنى اللى راح راح بلا قرف
و كفاية كده

هروح بس عشان احط عيني في عينه

بصى ياساسو انا عن نفسى لو اتحطيت فى الموقف ده كرامتى هاتنقح علية قوى وهابقى عايزة اروح عشان اعرفه انه ولا حاجة بالنسبالى وانى هاعيش بيه او من غيرى يمكن احسن كمان من غيره وهابينله انى مبسوطة وفرحانة
وهاتيجى المشكلة بقة بعد الفرح لانى هافوق من حبوب الكرامة وهاحس بالالم واد ايه انا اتجرحت واكيد هاتعب كتير اوى ويبقى كويس لو عشت اصلا ومارحتش فيها

كدا يا كريبتون
بتدورلى على اى غلطه؟؟
اهى ابتدائيه احسن من مفيش

بس دا ان دل فبيدل انى بكتب من غير ما افكر
انا ممكن اتحكم بقى فى النقطه دى

وكمان تعالى هنا
اللى راح راح بلا قرف؟؟؟
ليه كدا بس


دولى
ياريت تيعتيلى حبوب كرامه من اللى عندك

christiandior
طيب ليه يا قمر تحطى عينك فى عينه
هتستفادى ايه بقى؟؟

فعلا الموضوع صعب جداً يا ساسو
اللى هيحصل لي انى هنهار من البكاء وسأظل أبكى على عمر ومشاعر وحب ضاع لأجل من لا يستحق وأتذكر كل الايام الجميلة التى قضيناها سوياً وطبعاً قلبى مصدوم لكن فى النهاية هقدر على نفسي وهقول كل شيء نصيب وهو ما يستاهل لو حتى دموعى وممكن اتحدى نفسي وأواجهها وأحضر الفرح ده وأعرفه انه مش فارق معايا كتير

بس كدة انتى حظك حلو ياساسو ده انا معايا علبة لسة مقفولة

ههههههههههههه
ابعتهالى عالخاص بقى

ازيك يا ساسو
بصي انا هقولك
انت قولي انكم كنتم اصحاب وحبيتوا بعض
حتي بعد منفصلتم فضلتم اصحاب بجد انا مش عارف ازاي
بس ماعلينايعني
علي فكرة يعني اله هو عمله ده دليل انه مكنش بيحيك من البداية
يعني علي طول مع بعض وفجاة يرتبط صعبة اوي
رجعي نفسك ودوري جواكي اكيد هتلاقي حل
ربنا معاكي

ربنا معاكي ويصبرك يارب وانا معرفش علا لو في نفس الموقف هعمل ايه

مرسى يا جميل لمرورك
واكيد انا خدت بكلامك
لان فعلا اساسى لازم الانسان يدور جواه كويس عشان يلاقى حلول او مبررات
لان الانسان لو كدب على الدنيا كلها
اكيد هيكون صريح مع نفسه
او دا المفروض

ساسو

الموقف مهما كان صعب


فالسبب انتى من البدايه

لاسباب كتيره

واهمهم

انتى اللى اخترتى تستمر الصداقه حتى بعد الحب اللى فشل ما بينكم مكنش من المفروض تستمر علشان بصراحه ما ينفعش

وبعدين انتى بتقولى انك كنتى عايشه على امل انه يرجع ليكى تانى

اهو رجع ليكى بخبر زواجه من اخرى كان ايه شكلك وكان ايه موقفك

وبعدين كمان كنتى لسه بتحبيه

حاجه بالعقل اللى كان بينكم انتهى واكيد انتهى لاسباب مقتعه بدليل انكم اخترتو تفضلو اصدقاء

علشان كدا انا مش شايف انها صدمه

علشان الصدمه كانت فى البدايه لما اخترو انكم ترجعو اصدقاء هى دى الصدمه

والغلطه بقى انك فضلتى على حبك ليه وهو عايش كل حياته مع غيرك وكمان اتجوز

عايزه ايه تانى علشان تنسيه لما يرجعلك ويقولك بركيلى مراتى خلفت

مينفعشى

انا اسف على الكلام اللى بقولو بسى دى حاجه تحرق الدم


انا بتمنى من الله ربنا يهدى الجميع والواحد اذا كان مش قد كلمه بحبك يبقى من الافضل مينطقهاش بلسانه


تحياتى

ارجو الاجابه


متابع