بصراحة يا جماعة عاوز اتكلم فى موضوع مهم جدا وفى نفس الوقت بيحرق الدم موضوع الجواز العرفى ده واللى بقى منتشر بصورة رهيبة اوى فى مصر وبالزات فى سن الشباب اللى فى الجامعة ففى اكتر من 3 مليون شاب وبنت متجوزين عرفى لا وبعد قضيه هند واحمد اترفع اكتر من 12 الف قضيه اثبات نسب طبعا موضوع الورقة اللى بيسموها جواز ده اصلا باطل ومحرم وميعتبرش جواز لانه ناقص الاركان الاساسية فى الجواز وهى ولايه الامر والتشهير فميعتبرش جواز ولما يحصل الموضوع ده يجى اللوم على البنت لانها اكتر انسانة بتضر من الموضوع ده لكن على ما اظن ده مش غلطها لوحدها زى ما غلطها ده غلط الشاب كمان والاهل لانهم مكانوش قريبين منها او مربوهاش كويس زى برده مربهوش كويس يعنى العرفى ده مسمى على انه جواز على اساس ايه ده مجرد بنت وولد بيتقابلوا فى شقه او فى بيت لعلاقه مش اكتر انما الجواز الشرعى اللى محبش اقارنوا بيه ده مودة ورحمة ازاى نسمى التانى جواز اكيد اسباب العرفى ده ان مفيش تسهيل للارتباط من ناحيه الاهل ويرفعوا على مقدرة الشاب يقولك شبكه مش عارف بكام وشقة مش عارف ازاى لا وكمان اللى يحرق الدم ان نزل قانون جديد ان يتكتب فى وثيقه الزواج عدم تعدد الزوجات شرط من الشروط طيب ده ينفع يحرموا حاجة ربنا محللها وكمان فى مجلس الشعب رافضين انهم يجرموا موضوع الجواز العرفى ده طيب وفى الاخر يجى يقولك ايه الاسباب بتاعه العرفى على العموم بس حبيت اقول رايي وان البنت تفكر مليون مرة انها هتخسر كل حاجة لو وافقت على حاجة زى دى وان الولد هيخسر حياته واخرته وهيخسر شكله قدام الناس
وتعالوا نشوف هيحصل ايه لما بنت تتجوز واحد عرفى على ورقة واتنين شهود ولما تبقى حامل فى اربع شهور يعرفوا اهلها وهو فى الاخر هيتجوزها اه بس لما اهل العريس هيتكلموا عليها فى غيابها هيبقى كلامهم عنها جارح جدا ده ولما كمان بقى تتجوزه اكيد هيبهدلوا كرامتها وكل ده عشان ايه متهيالى الموضوع بتاع العرفى ده مش مستاهل انها تضيع فرحتها بفرحها وتضيع نفسها واهلها وكرامتها عشان مفيش
معلش ياجماعه انا اسف لو كنت عصبى شويه فى كلامى بس الموضوع بجد مهم
ومعلش لو كنت مع البنت شويه لان هى بتبقى اكتر واحده خسرانه
مستنى ردودكم واراكم