مغنواتى
Oct 23 2005, 03:46 AM
بسم الله الرحمن الرحيم
المشكله دي حقيقيه وحصلت قدامي
بس هي تنفع تبقي فيلم
عموما عايز أعرف أرائكم
القصه عباره عن أن واحد حب واحده حب
مالهوش حدود وكان كل شيئ ماشي تمام
لكن جه يوم افترقوا والشاب ده تعب نفسيا جدا
وفضل يعاني من فراقها كتير لحد مايوم قابل واحده
واتصاحبت عليه والعلاقه دي تطورت بعد كده وبقي
يحبها حب جنون وقدرت تعوضه عن فشل حبه الأول
وبعد أن تعلق بها لدرجة العشق
حانت لحظة الفراق مره تانيه ولأسباب تافهه
يمكن لو حكيتهالكم تضحكو عليهم
ولكن ده اللي حصل وكانت الصدمه التانيه
ممتدة الأثر
يعني من رحمة ربنا انه ماحسش بالصدمه دي دفعه
واحده في البدايه وبعد مرور شهرين تقريبا
كان ابتدي يفوق ويحس بالصدمه
وهو دلوقتي كره الدنيا واللي عليها
ومالهوش نفس يكلم أي حد
لدرجة أن أصحابه اللي كان معاهم24 ساعه
ماعادوش بيشوفوه
وهو من جواه انسان محطم لأقصي حدود
أسف جدا علي الأطاله
ولكن أرجو مناقشة المشكله معكم
يمكن أوصل لحل يخفف عنه
القبطان
Oct 27 2005, 08:47 PM
شفلة واحد ثالثة بقى هوة دة الحل الوحيد الا يطلعة من المشكلة دى بس بجد مشكلة جامد قوى
moemen
Nov 1 2005, 01:08 AM
الحل بجد انه يرجع لربنا
وشكراااااااااااا
ali22224
Nov 9 2005, 04:58 AM
عليه العودة الى قراءة القرآن والصلاة والدعاء وسيعوضه الله كثيرا إن شاء الله تعالى
شهر زاد
Nov 15 2005, 06:41 AM
معلش فى الكلام بس ده مش معناه حب
خالص خالص
اذا كان بيحب الاولى حب شديد زى ما بتقول مكنش ممكن ينساها مهما حصل
فهو له حل واحد
يرجع لربنا
وربنا يوفقه
shakespear
Nov 16 2005, 07:26 AM
مفيش حاجة تجيب الراجل ورا غير الخمرا والنسوان
شهر زاد
Nov 18 2005, 10:22 PM
خمره ونسوان يا شكسبير بردو
ده انتا ملفظك سعد
هههههههههههههههههههههههههه
mshakel
Nov 26 2005, 08:40 PM
ألف شكر
asmaaa
Dec 10 2005, 01:59 PM
هي مشكلة جامدة جدااا
بس هو لازم يلجأ لربنا وانشاء الله هيفوق
روينا
Jan 27 2006, 01:46 AM
ياحمد الحب احساس متبادل بين طرفين ولو جت لحظة فراق وزى مبتقول لاسباب تافهة يبقى مكنتش بتحبة متخلهوش يضيع عمرة ورا اوهام ويرجع لربنا ولانة راجل لازم يكون اقوى من الصدمات ولازم يختار صح ياريت يكون فهم دة
مشمشه
Feb 2 2006, 11:06 PM
يا جماعه الولد اكيد توجه الى الله تعالى
لكن طول الوقت اكيد ماسك المصحف
يجماعه
اللى يحب اوى ينجرح اوى اوى اوى
انا رايي انكوا تحاولوا تخرجوه حتى لو كان كاره
خرجوه بالعافيه عرفوه ان الدنيا لسه كويسه و ان هيجى اليوم اللى هيلاقى فيه واحده يحبها و تحبه بجد
هو فى البدايه هيكره كده جدا و لكن مع الوقت هيتأقلم مع الحياه و يعرف ان
ليس كل ما يتمناه المرء يدركه
ربنا معاه و يوفقه فى حياته
starnet
Mar 9 2006, 03:11 AM
أفضل حاجه أنه يحاول يشغل وقته على قد ميقدر وده هينسيه أى حاجه
لحد ما ربنا يكرمه ببنت الحلال اللى تستهله
ويريت ميتسرعش ويحاول يعمل علاقه فى الفتره دى اللى تعتبر بجد فتره نقاهه
لأنه ممكن ينصدم مره تالته ودى هتبقى القاضيه بالنسبه ليه
وأصحابه يحولم ينسوه اللى فات بانهم يعقدو معه كتير ويحاولم أنهم يدخلوه فى اى موضوع يشغله
عن التفكير فى الماضى
والكلام اللى بقلهولك ده عن تجربه وربنا يعمل اللى فيه الخير
starnet
Mar 9 2006, 03:14 AM
أنا مع روينا فى الكلام اللى قالته وفى الغالب فعلن هو مكنش حب حقيقى
hamohesham2004
Jul 18 2006, 03:46 PM
والله ما عارف @
بس مشكوور للقصة
منال99
Aug 17 2006, 12:19 AM
االحل الوحيد انو يلهي نفسه بحاجة ثانية مثلا الرياضة او حاجة اخرى علشان ميفكرش كتير وحس انه انسان غير مرغوب فيه :36_11_14:
funky
Oct 14 2006, 10:36 PM
10x ya man
nervo
Nov 14 2006, 04:48 PM
على فكره الى يحب مينساش حتى لو اتجوز وخلف هيفضل فاكر فده مكانش حب وعشان يخرج من الى هو فيه لازم يقرب من ربنا اوى وياريت يملأ وقت فراغه ومايدورش على واحده تانيه دلوقتى هو لما يقرب من ربنا اكيد ربنا هيعوضه بالاحسن وبعدين اقولكم حاجه عارفين ليه فشلت العلاقه فى المرتين اكيد بدأت بمعصية ربنا انا مقصدش حاجه لكن على الاقل كلام فى الحب فأى علاقة تبدأ بمعصيه لازم تنتهى بالفشل
يارب اهدى فتيات وشباب المسلمين
samka
Dec 17 2006, 02:28 AM
صاحب القصه ربنا معها وان شاء الله تعدى المحنه دى على خير
وانا مع nervo فى رائيها وهو بجد ده مش حب ولو كان حب كان معرفش يتعلق بالتانيه اصلا
وعموما اى شىءيبدء معصية الله يكون اخره فشل و معصية الوالدين ايضا تنتهى بالفشل
وده بجد انا شوفته مع ناس كتير وكان عن قرب للناس دى
وربنا يهدينا كلنا .................................امين
واشكرك على المشركه الجميله دى ولتمنى لك المذيد من التوفيق