سلامو عليكوا
الحاجات دي بنلا حظها وحبيت اعرفها لكم لأنها اكيد هتفيدكم وانتوا بتتفرجوا على الافلام والمسلسلات العربى
ولو ان انا متأكده ان كلنا عارفينها كويس اوي
:: اولا .. المسلسلات ::
لما ييجى البطل يدفع الفاتورة فى المطعم .. عمره ما هيبص فى المحفظة لأنه دايما هيطلع الحساب بالظبط وبيسيبه ع الترابيزة (لانه من ساعة ما دخل المطعم و هوه عمال يحسب في الفلوس ، و مش بعيد يكون داخل و هوه مجهزها اساسا ) ... عادي
بابا الباشا .. هو دايما الشخص اللى لابس روب على القميص والبنطلون, وبيقرا جورنال وبيدخن بايب او سيجار
ولو شعره أبيض و بشنب و بيهزر مع العيال الصغيره و يزعق لبباهم يبقى جدو الباشا
أما علشان تعرف ان دول شباب فى المسلسل فهتلاقى دايما حاجة من الاتنين دول
يا اما اودة نومهم كلها بوسترات مغنيين مجهولين عمرنا ما سمعنا عنهم ومتعلقين بالجنب او بالمشقلب
( كتر خيرهم يعنى انهم عرفوا يجيبوها )
يا اما هتلاقى البنات رفيعين أوي ولازم كل واحده يكون عندها حنين للطفولة وعامله شعرها ضفيرتين او قطتين ، والولاد لابسين ترينج ونضارة وكول
وكمان عشان تعرف ان دول ناس اغنيا هتلاقيهم دايما لابسين لبس الخروج فى البيت وعمرك ما هتشوفهم لابسين جلابية او بيجامة
( وده على أساس ان همه مبيعرفوش يعني ايه حلابيه اساسا )
ومش مهم بقى انت فاتتك كام حلقة من المسلسل
: هتلاقى الاحداث هى هى
بابا ضحك على طنط نادية وخد مركز التجميل بتاعها، نانيس بتحاول تقول لبابا انها متجوزة عرفي،ماما مشغوله في النادي وبتتظاهر بينها و بين نفسها انها مقطعه نفسها علشان البيت و الأولاد ، ميدو اشترى نضارة شمس حمرا علشان هو بقى روش, وداده زينب طلعت ام نانيس وميدو الحقيقية
:: ثانيا .. افلام العنف والاثارة ::
الميك اب بتاع البنات عمره ما بيبوظ .. حتى لو نايمين، طالعين من البيسين، او بيعيطوا مبيطلعش حتى بالطبل البلدى
اى حد لما بيضرب على راسه بيغمى عليه على طوووول .. ولو مات بينزل دم من غير ما يكون فى جرح اصلا فى راسه
حادثة العربية: دايما العربية بتتخبط الاول و بعدين بوووووم! انفجار مالوش اى علاقة بالعربية الاصلية ولا المشهد كلة من اساسه
مش مهم لو فـ خناقة لقيت نفسك قدام خمسين شخص
هتلاقيهم كلهم صبورين وبيهجموا عليك واحد واحد, هتلاقى كل واحد داخل فيك بحركة مختلفة عن اللى قبليه, واصوات الضرب كلها بنفس الصوت وفى الاخر هتشلفطهم كلهم
:: ثالثا واخيرا .. افلااااام الكوميديا ::
مهما ان كان موضوع الفيلم
البطل دايما شكلوا غريب وملخبط, والبطلة هتبقى اوكشة طححن (جامده وقمر يعني) .. لكن ده مش هيمنع انها تحب البطل فى اخر الفيلم وتتجوزه ! حتى لو ماجابوش سيرتها فى الجزء التانى بتاع الفيلم
بيبقى فى دايما اغنية فى نص الفيلم البطل اللى بيغنيها ... وكلامها بيكون بأى لغة غير العربى
الاجنبى دايما هو الشخص اللى عنيه زرقا وشعره اصفر حتى لو الانجليزى بتاعه اوحش من انجليزى الكلب بتاعك
واخييييرا واخرا : الفيلم دايما هيبقى فيه حسن حسني
هو تقريبا واخد توكيل الافلام الكوميدي .. بس شغال يعني
( مالقيتش صورة مناسبة لحسن حسني بصراحة )
الحاجات دي بنلا حظها وحبيت اعرفها لكم لأنها اكيد هتفيدكم وانتوا بتتفرجوا على الافلام والمسلسلات العربى
ولو ان انا متأكده ان كلنا عارفينها كويس اوي
:: اولا .. المسلسلات ::
لما ييجى البطل يدفع الفاتورة فى المطعم .. عمره ما هيبص فى المحفظة لأنه دايما هيطلع الحساب بالظبط وبيسيبه ع الترابيزة (لانه من ساعة ما دخل المطعم و هوه عمال يحسب في الفلوس ، و مش بعيد يكون داخل و هوه مجهزها اساسا ) ... عادي
بابا الباشا .. هو دايما الشخص اللى لابس روب على القميص والبنطلون, وبيقرا جورنال وبيدخن بايب او سيجار
ولو شعره أبيض و بشنب و بيهزر مع العيال الصغيره و يزعق لبباهم يبقى جدو الباشا
أما علشان تعرف ان دول شباب فى المسلسل فهتلاقى دايما حاجة من الاتنين دول
يا اما اودة نومهم كلها بوسترات مغنيين مجهولين عمرنا ما سمعنا عنهم ومتعلقين بالجنب او بالمشقلب
( كتر خيرهم يعنى انهم عرفوا يجيبوها )
يا اما هتلاقى البنات رفيعين أوي ولازم كل واحده يكون عندها حنين للطفولة وعامله شعرها ضفيرتين او قطتين ، والولاد لابسين ترينج ونضارة وكول
وكمان عشان تعرف ان دول ناس اغنيا هتلاقيهم دايما لابسين لبس الخروج فى البيت وعمرك ما هتشوفهم لابسين جلابية او بيجامة
( وده على أساس ان همه مبيعرفوش يعني ايه حلابيه اساسا )
ومش مهم بقى انت فاتتك كام حلقة من المسلسل
: هتلاقى الاحداث هى هى
بابا ضحك على طنط نادية وخد مركز التجميل بتاعها، نانيس بتحاول تقول لبابا انها متجوزة عرفي،ماما مشغوله في النادي وبتتظاهر بينها و بين نفسها انها مقطعه نفسها علشان البيت و الأولاد ، ميدو اشترى نضارة شمس حمرا علشان هو بقى روش, وداده زينب طلعت ام نانيس وميدو الحقيقية
:: ثانيا .. افلام العنف والاثارة ::
الميك اب بتاع البنات عمره ما بيبوظ .. حتى لو نايمين، طالعين من البيسين، او بيعيطوا مبيطلعش حتى بالطبل البلدى
اى حد لما بيضرب على راسه بيغمى عليه على طوووول .. ولو مات بينزل دم من غير ما يكون فى جرح اصلا فى راسه
حادثة العربية: دايما العربية بتتخبط الاول و بعدين بوووووم! انفجار مالوش اى علاقة بالعربية الاصلية ولا المشهد كلة من اساسه
مش مهم لو فـ خناقة لقيت نفسك قدام خمسين شخص
هتلاقيهم كلهم صبورين وبيهجموا عليك واحد واحد, هتلاقى كل واحد داخل فيك بحركة مختلفة عن اللى قبليه, واصوات الضرب كلها بنفس الصوت وفى الاخر هتشلفطهم كلهم
:: ثالثا واخيرا .. افلااااام الكوميديا ::
مهما ان كان موضوع الفيلم
البطل دايما شكلوا غريب وملخبط, والبطلة هتبقى اوكشة طححن (جامده وقمر يعني) .. لكن ده مش هيمنع انها تحب البطل فى اخر الفيلم وتتجوزه ! حتى لو ماجابوش سيرتها فى الجزء التانى بتاع الفيلم
بيبقى فى دايما اغنية فى نص الفيلم البطل اللى بيغنيها ... وكلامها بيكون بأى لغة غير العربى
الاجنبى دايما هو الشخص اللى عنيه زرقا وشعره اصفر حتى لو الانجليزى بتاعه اوحش من انجليزى الكلب بتاعك
واخييييرا واخرا : الفيلم دايما هيبقى فيه حسن حسني
هو تقريبا واخد توكيل الافلام الكوميدي .. بس شغال يعني
( مالقيتش صورة مناسبة لحسن حسني بصراحة )